கை நீட்டி 

காற்றை தின்று 

தூரங்களை தோளில் போட்டு

சிந்தனை விதைகளை என்னில் வைத்து 

என் ஓட்டங்கள்

சிதறியவை வாழட்டும் 

விதைத்தவை விருட்சமாகட்டும் 

என் பார்வை தொலைந்து போனால் 

தலை சாய்க்க 

இந்த விதைகளின்

வேர்கள் இருக்கும் 

-

புகழ் 

நிஜம்

கனவை கலைத்து 

நிஜம் செய்தேன் 

நிஜம் தொலைத்து 

கனவில் விழுந்தேன் 

உடைந்த கனவு 

கோடி நிஜமாகி நின்றது

தமிழே

கருவின் கனவே
உணர்வின் உயிரே
தமிழே என் தமிழே
நேற்றின் நிஜமே
தழுவிய தனலே
தாயின் மடியே
தந்தை சொல்லே
காதலின்  சுவரமே

தங்கமே தங்கமே
வானின் வசந்தமே
வாசல் மாகோளமே
வாழ்வின் விடியலே
நாளய நிஜமே
காலம்தந்த  உணர்வே
மூச்சில் கலந்த முத்தமிழ் சுகமே
கலங்காதே

வேரின் விருட்சம் நீ
இனத்தின் தளம் நீ
தமிழே எம் மொழி நீ

தலைபோனாலும்
நிலம்போனாலும்

இனம் போகாது
தடம் மாறாது

-புகழ்